XURADO NOVO

Obxectivo do Premio

O “Premio Xurado Novo” do FIC Vía XIV de Verín busca involucrar á mocidade no contexto do festival, permitindo que persoas novas interesadas no ámbito do cinema ou da cultura coñezan de primeira man o funcionamento dun certame destas características, se relacionen con cineastas e accedan a contidos alternativos de alta calidade.

Bases do proceso de selección do Xurado Novo para a 10º edición do FIC Vía XIV de Verín

Esta convocatoria responde ao proceso de selección do Xurado Novo para a 10º edición do FIC Vía XIV de Verín, que se celebrará entre os días 28 de agosto e 6 de setembro de 2025.

O Xurado Novo estará conformado por cinco persoas, cuxo veredicto resolverá o “Premio Xurado Novo do FIC Vía XIV”.

Participantes

• Poderá participar calquera persoa entre 16 e 30 anos.
• Aínda que non será imprescindible, valorarase positivamente que:
  • Colaboren noutros proxectos culturais ou artísticos.
  • Cursen formación relacionada co audiovisual ou as artes.
  • A persoa teña relación directa coa contorna de Verín, Ourense ou o Alto Támega – Tras os Montes.

O comité de selección estará conformado polo persoal do FIC Vía XIV e a Asociación Cultural Vía XIV.

O proceso de selección terá en conta criterios de igualdade e diversidade, así como a representación de distintos perfís culturais e sociais.

Non poderán formar parte do Xurado Novo aquelas persoas que xa participaran en anteriores edicións como parte do Xurado Oficial ou do Xurado Novo.

Presentación de solicitudes e documentación

As solicitudes deberán presentarse a través do formulario dispoñible na web www.ficviaxiv.com

Prazo de solicitude: Do 15 de marzo ao 10 de xuño de 2025.

As persoas seleccionadas deberán enviar posteriormente:

• Imaxe de perfil.
• Fotocopia do DNI
• Permiso escrito de autoritzación dos titores legais no caso de ser menores de idade.

Os datos facilitados serán tratados conforme á normativa vixente en materia de protección de datos, garantindo a súa confidencialidade e empregándose exclusivamente para os fins relacionados co proceso de selección.

Selección e comunicación

• O equipo do festival porase en contacto coas solicitantes para confirmar a recepción da inscrición o antes posible dende o correo producion@ficviaxiv.com
• A organización seleccionará tres candidatas ou candidatos, que serán notificados polo equipo de produción do festival unha vez remate o prazo de recepción de solicitudes o 10 de xuño.
• Unha vez confirmada a súa participación, a selección será publicada na web oficial do festival.
• Todas as persoas inscritas, sexan ou non seleccionadas, recibirán pases gratuítos para asistir ás proxeccións oficiais do festival. A organización contactará directamente para facilitar o procedemento de obtención dos pases.

Condicións de participación

• Ser membro do Xurado Novo implicará dispoñibilidade presencial durante os días do certame.
• Os membros deberán visionar todas as curtametraxes a concurso, asistindo ás proxeccións presenciais.
• Será obrigatoria unha xuntanza presencial para a deliberación final.
• O festival cubrirá os gastos de desprazamento e aloxamento para as persoas seleccionadas que non residan na contorna de Verín.

Cada membro recibirá:

• Acreditación de equipo.
• Pase ilimitado para proxeccións.
• Acceso ás actividades paralelas audiovisuais programadas durante o festival.
• Acceso ás actividades formativas programadas durante o festival.
• Acceso aos cáterings oficiais.

Formato e entrega do veredicto

• O Xurado Novo emitirá un veredicto por escrito, que se entregará á Dirección do festival tras unha reunión deliberativa.
• Este veredicto determinará un único gañador entre as curtametraxes das seccións NOVA e A RAIA.
• Poderán outorgar premios ex aequo

A organización explicará previamente o proceso e resolverá calquera dúbida.

Idioma e accesibilidade

As proxeccións das curtametraxes estarán subtituladas ao galego ou ao castelán, garantindo o acceso e comprensión por parte de todo o público. O festival procura ofrecer actividades inclusivas e accesibles, facilitando a participación de persoas con diversas necesidades.