Álex está bloqueado. Trata de entender o seu lugar no mundo, a súa masculinidade, o seu papel nos coidados e os ruídos nos soños do seu avó. Traballa audiodescribindo películas para persoas con discapacidade visual. O seu avó, que ten máis de cen anos, leva meses perturbado por un ruído nos seus soños e xa non distingue entre soño e realidade. Lucía, cega de nacemento, axúdalle a Álex amosándolle como percibe, como soña e como sente. Álex necesita sentir.