“In the Shallows“, primeira colaboración de Arash Akhgari co National Film Board of Canada, mergúllanos nun universo fragmentado de novas, entretemento e publicidade. A través de colaxes escultóricas e animación artesanal con tinta e pintura, a peza explora o impacto hipnótico e alienante dos medios de masas, onde a sobrecarga de imaxes e información dilúe a fronteira entre o interior e o exterior ata converter ás persoas en sombras de si mesmas.
Ano:
2024
Director:
Arash Akhgari
Pais:
Canadá, Irán
Biografía:
Arash Akhgari é un animador e artista visual de orixe iraniana afincado en Montreal, cuxas películas incorporan técnicas tradicionais como a pintura e a colaxe en exploracións audiovisuais abstractas que adoitan tratar sobre o illamento individual e social. Arash mestura a súa herdanza iraniana e a súa formación en enxeñaría nun estilo artístico visual único e cunha narrativa non lineal. In the Shallows marca a súa primeira colaboración co National Film Board of Canada.
